Mijëra protestues kanë dal në rrugë në kryeqytetin jemenas, Sana, duke kërkuar nga Presidenti Ali Abdullah Saleh, të qëndroj në ekzil.Rreth 4 mijë demonstrues kanë bërë thirrje për “një marshim të një milion vetave”, që do t’i kërkonte Salehut të qëndroj në Arabi Saudite, ku ai është trajtuar për lëndimet që i ka marrë gjatë një sulmi të premten. Sipas raporteve që citojnë zyrtarë të SHBA-ve, Saleh, ka djegie që përfshijnë 40 % të trupit dhe se ka gjakderdhje në brendi të kafkës së tij. Derisa mbahej protesta paqësore në kryeqytet, në një qytet të vogël në pjesën jugore të shtetit, kanë vazhduar përleshjet e armatosura me grupin islamistë. Ushtria ka thënë se 30 islamistë dhe 15 ushtarë janë vrarë në qytetin që mbahet nën kontrollin e Al Kaidës, gjatë valës së fundit të dhunës në Jemen. Qyteti jugor Zingjibar, ishte marrë nën kontroll nga Al-Kaeda para 10 ditësh.
Teuhid.net
