Sipas Televizionit Al Arabiya ka rreth 10 mije te vdekur në Libi dhe mbi 50 mijë të plagosur. Televizioni raporton qe Ghadafi ka urdheruar gjithashtu bombardimin e puseve të naftës, por pilotët nuk kanë zbatuar urdhërat.
Një video e shpërndarë nga Onedayonearth tregon varre masive përgjatë vijës bregdetare pranë kryeqytetit libian.
Një ish-agjent i CIA-s, ka raportuar se mesazhi i Ghadafit është "ose Libia do vijojë me mua, ose pa mua dhe e shkatëruar".
Rreth 20 mijë libianë ndërkohë kanë marrë arratinë drejt Egjiptit. Ai ka refuzuar të japë dorëheqjen.
Në fjalimin e tij të parë që pas nisjes së protestave me 14 shkurt, lideri i Libisë është shprehur dje se nuk do të "jap kurrë dorëheqjen" dhe se nuk do të largohet nga Libia duke u zotuar se do të martirizohet nëse do lindë nevoja.
Ai ka cilësuar protestuesit si "prishës të imazhit të vendit" dhe shtoi se "e gjithë bota po e shikon se protestuesit po sillen si djalli". Ai është shprehur se i "ka sjellë shkëlqim Libisë dhe se protestuesit janë të pirë dhe të droguar".
Gjatë fjalimit ai iu drejtua mbështetësve të tij duke u kërkuar që të dalin në rrugë në anti-protesta dhe "të mos shqetësohen nga gangsterat", sipas Gaddafit.
Filmimi i transmetuar në televizionin shtetëror të Libisë është xhiruar në një ndërtesë ku në sfond tregoheshin bombardimet e SHBA-së, bërë në vitin 1986 që kishin si qëllim të vrisnin atë. Kjo ndoshta ishte zgjedhur për të treguar "forcën" e rezistencës së tij.
Sulmi i SHBA në 15 prill të këtij viti u ndërmor pasi zyrtarët e SHBA-së nxorën përfundimin se agjentë të Libisë ishin përgjegjës për sulmin e me bombë me 5 prill në Berlin. Ndërkohë, Fidel Kastro udhëheqësi historik i Kubës ka thënë se Libia do të "pushtohet" shumë shpejt nga NATO.
Sipas Al Jazeeras, regjimi i Ghadafit ka humbur tashmë kontrollin në 3/4 e Libisë.
Protestuesit antiqeveritarë kontrollojnë disa qytete në pjesën lindore të Libisë dhe ka raporte se diplomatët libianë masivisht po kthehen kundër Gadafit.
Kundërshtarët e këtij të fundit kanë konsoliduar kontrollin e Sirenaisës në afërsi të kufirit me Egjiptin. Në qytetet e Tobrukut dhe Bengazit ushtarët u janë bashkuar protestuesve.
Raportohet se dy pilotë të forcës ushtarke janë hedhur me parashutë duke i lënë aeroplanët të rrëzohen, në shenjë refuzimi me urdhrin e Gadafit për të sulmuar Bengazin, që njihet si qytet i opozitës.
Të shtëna me armë zjarri dëgjohen në kryeqytetin Tripoli, pasi dhjetëra përkrahës të Muamer Gadafit iu përgjigjen thirrjes së këtij të fundit “për të ndihmuar në shtypjen e protestuesve”.
Regjimi libian njoftoi për 300 të vrarë në protesta, përderisa Federata Ndërkombëtare për të Drejtat e Njeriut tha se kjo shifër arrin në 640. (Agjencitë/INA)
