Mijëra protestues janë mbledhur në së paku katër lokacione në kryeqytetin e Jemenit, Sana.
Agjencia Reuters raporton se së paku 10 mijë vetë janë tubuar afër Universitetit Sana, ndërsa afro 6 mijë të tjerë në pjesë të ndryshme të kryeqytetit.
Protestuesit po kërkojnë largimin e presidentit të Jemenit, Ali Abdullah Saleh, i cili është në pushtet prej vitit 1978.
Protestuesit kanë brohoritur parulla kundër qeverisë dhe iu kanë referuar përmbysjes aktuale të presidentit autoritar të Tunizisë, Ben Ali, i cili u përmbys pas protestave masive, pas më tepër se 20 viteve në pushtet.
Hits: 302
Comments (0)
Write comment
