Në incizimin e fshehtë të ushtrisë amerikane, që të hënën e emetoi grupi “Vikilik”, shihet sulmi i helikopterit në të cilin janë vrarë dhjetëra njerëz në Bagdad, duke përfshirë edhe dy anëtarë të ekipit të Rojters-it.
Ky grup, i cili lufton kundër korrupsionit me “zbulimin e informatave të fshehta”, në konferencën për gazetarë, e publikoi incizimin e koduar nga sulmi i realizuar më 12 korrik të vitit 2007 nga ushtria amerikane.
Rojtersi transmetoi se një përfaqësues i Ministrisë amerikane të Mbrojtjes ka konfirmuar besueshmërinë e incizimit.
Në incidentin humbën jetën edhe fotografisti lokal i Rojtersit, Namir Nur-Aldin (22) dhe vozitësi bashkëpunëtor – Said Çmag (40). Ushtarët në dy helikopterët që kanë kryer sulmin, kanë menduar se kamerat e gazetarëve janë armë.
Së pari zjarr është hapur mbi grupin prej nëntë njerëzve që ishin tubuar në këndin e një rruge, e më pas mbi furgonin që ndalet për t`u ndihmuar të plagosurve.
Rojters kërkoi që t`u dorëzohet incizimi, por kjo ende nuk është bërë.
Zëdhënësi i “Vikilik”, Xhulian Asanxh, hodhi poshtë qëndrimin zyrtar të armatës amerikane se sulmi është i arsyeshëm.
Sipas fjalëve të tij, incizimi tregon se ushtarët në helikopterët janë sjellur sikur luajnë lojë kompjuterike dhe sikur duan të arrijnë sa më shumë pikë duke vrarë kundërshtarët. /Makfaks/
Videon mund ta shikoni këtu:
http://www.makfax.com.mk/video/play/51
